Хэрлэн голын перевоз хэвийн ажиллаж байна. Голын голдирол дотор живж тогтсон хуучин перевозын үлдэгдлийг ухан гаргаж, зүүн эргийн дагуу овоорч тогтсон хайргыг чөлөөлж, хэвийн ажиллуулж эхлээд байна. Иргэд зорчигчдын аюулгүй байдлыг хангах үүднээс холбогдох журмын дагуу сумын ЗДТГ-ын албан хаагчид тус перевоз дээр ажиллаж байна.Ирэх 6-р сард хоёр эргийн тулгуурыг шинэчилж, бусад эд ангиудыг чанарын шаардлага хангах түвшинд аймгийн төсвийн хөрөнгө оруулалтаар засварлана.