МУСГЗ сэтгүүлч, зохиолч Өвгөөдэй Ц.Дамдинсүрэнгийн нэрэмжит Ерөнхий боловсролын сургуулиас уламжлал болгон зохион байгуулагддаг "Сурагч үеэ эргэн дурсахуй-V" эцэг эх, асран хамгаалагчдын нээлттэй өдөрлөгт 103 эцэг эх асран хамгаалагч оролцлоо.

Тус үйл ажиллагаанд: Эцэг эх асран хамгаалагчдыг 3 бүлэг болгон БУЗАН, НУЗАН, БАЗАНэгдлүүдийн "Орчин цагийн боловсролыг ойлгох нь" сэдэвт 3 цагийн хичээлд хамрагдлаа. Мөн “2021-2022 оны хичээлийн жилийн тайлан”, “2022-2023 оны хичээлийн жилийн зорилго зорилт”-ыг Удирдахуй ухааны магистр, Боловсролын тэргүүний ажилтан захирал Н.Рэнцэндорж танилцуулж, Сургалтын менежер Боловсролын удирдлагын магистр Э.Цэрэндолгор “Сургалтын чанар өнөөгийн байдал, цаашдын зорилт” сэдвийн хүрээнд, Нийгмийн ажилтан Ц.Хандсүрэн "Эцэг эхийн үүрэг оролцоо" сэдвүүдээр тус тус илтгэл хэлэлцлээ.