Төв нутгийн "Алтан намар-2022" үзэсгэлэн худалдаанд сум орон нутгаа төлөөлөн оролцож байгаа баялаг бүтээгчид маань сүү, сүүн бүтээгдэхүүнийхээ амт чанарыг гайхуулан оролцож байна. Үзэсгэлэн худалдаанд оролцоход дэмжлэг, туслалцаа үзүүлсэн Улаанбаатар хот дахь "НУТГИЙН ЗӨВЛӨЛ"-дөө баярласан талархсанаа илэрхийлье. Төв нутгийн Алтан намар-2022" үзэсгэлэн худалдаа Улаанбаатар хот Хан-Уул дүүрэг "Food City Mall" худалдаа үйлчилгээний төвд энэ сарын 7-9-ний өдрүүдэд явагдаж, сумын жижиг дунд үйлдвэрлэл, үйлчилгээ эрхлэгчид, хоршоод, хувиараа хөдөлмөр эрхлэгчид, малчид, өрхийн үйлдвэрлэл эрхлэгчид, аж ахуй нэгжүүд 25 нэр төрлийн бараа бүтээгдэхүүнээр оролцон 7 сая төгрөгийн орлоготой ажилласан байна. Тус сумын иргэн Г.Нарантуяа аймгийн Засаг даргын “Хүндэт тэмдэг”-ээр шагнагдлаа. Сумандаа үйлдвэрлэсэн брэнд бүтээгдэхүүнийг таниулж яваа хөдөлмөрч та бүхэнд ажлын амжилт хүсье.